Vegurinn, boðar til námskeiðs undir yfirskriftinni Heitu málin.  Þar eru tekin til umfjöllunar sjö algengar spurningarnar eða málefni, sem algengt er að hinir kristnu fá að heyra í hinu daglega lífi.  

Námskeiðið stendur í sjö vikur og hefst miðvikudaginn 10. febrúar, kl. 20.

Málefnin, dagsetningar og kennarar:

         10/2  Þjáningin í heiminum - Högni Valsson

         17/2  Önnur trúarbrögð - Sr. Þórhallur Heimisson

         24/2  Nýöldin - Friðrik Schram

          3/3   Kynlíf fyrir hjónaband - Guðmundur Sigurðsson

         10/3  Samkynhneigð - Guðmundur Barker

         17/3  Vísindi & trú - Snorri Óskarsson

         24/3  Heilög þrenning - Gunnar Þorsteinsson

Heyrum við ekki oft spurningar eins og “Af hverju er þjáning í heiminum?”, “Ef Guð er til, af hverju leyfir hann þá þúsundum barna að deyja úr hungri á hverju ári?”, “Og öll þessi trúarbrögð, er ekki bara verið að tilbiðja einn og sama guðinn?”, “Eru athafnir þeirra sem kenna sig við Nýöldina ekki bara saklausar og í raun af hinu góða?” og “Af hverju er frjálsu kirkjurnar svona mikið á móti hommum og lesbíum?”. 

Þessar spurningar eru spurðar ... og við þurfum að svara þeim. En hvernig gerum við það þegar á hólminn er komið?  Erum við nægilega undirbúin?  Höfum við þekkinguna á Orði Guðs?  Munum við eftir versunum?  Það er ekki sama hvernig við svörum. Við þurfum þjálfun í að svara þeim svo vel sé.  Það er skylda okkar og ábyrgð.  Við þurfum að þjálfa okkur sem trúboða og erindreka Guðs, úti á akrinum.

Vegurinn, kirkja fyrir þig, boðar til námskeiðs um ofangreind atriði, sem brenna á vörum fólks í þjóðfélaginu.  Við höfum ákveðið að kalla námskeiðið “Heitu málin!”.  Námskeiðið byggist upp á 50 mín fyrirlestri, 15 mín kaffihléi og síðan umræðum í litlum hópum í aðrar 50 mín. Samtals 2 klukkustundir.  Farið er fram á virka þátttöku þeirra sem námskeiðið sækja.

    Hefst:       Mvd. 10. feb. og lýkur mvd. 24. mars (7 vikur)

    Staður:      Vegurinn, Smiðjuvegi 5, Kópavogi

    Tími:         kl. 20:00 - 22:00

    Verð:        Frítt, en óskað er eftir frjálsum framlögum

                    fyrir kaffimeðlæti og virkri þátttöku í hópunum

    Skráning:  í síma 564-2355 eða á vegurinn@vegurinn.is

Námskeiðið er öllum opið og ÞÚ...ert hjartanlega velkomin(n)